Con case dous anos de atraso desde a súa estrea, hoxe puiden ver Scoop, unha especie de cruzamento entre Misterioso asasinato en Manhattan e Match point. Aínda que, polo que puiden ler na rede, a crítica en xeral non estaba moi entusiasmada co filme, eu teño que dicir que gostei moito, que rin abondo e que non puiden evitar aplaudir perante a xenialidade da escena final (e non me refiro ao desenlace dos crimes, senón ao digamos epílogo).Como con algo tiña que actualizar e non me vou pór a falar de traballo que bastante teño con el o resto do día, comento isto. Aproveito para lle enviar un saudiño ao Manuel-p.-d.-m., que gosta de Woody Allen e coñece a súa obra moitísimo mellor ca min.
Aí vos deixo o tráiler. Por certo, por que o anuncian como "un filme do director de Match point", como se Allen só tivese un filme coñecido? Ironía?
Nenhum comentário:
Postar um comentário