Eu xa levaba o día de hoxe máis animado porque vou asistir á cea que organizan as compañeiras e compañeiros de Queremos Galego de Marín, sempre en disposición de daren guerra sen perder o sorriso. Abofé que as ganas e o entusiasmo se contaxian.
Mais a xornada, a pesar de ziguezagueante nos compromisos, xa se alegrou de vez coa aparición de Sermos Galiza, un proxecto para un espazo de comunicación galego e en galego que cómpre apoiarmos con todas as nosas forzas.
Neste mesmo camiño vai tamén a concentración que convocou A Mesa para a vindeira segunda feira (luns) 4 de xullo en defensa do galego nos medios de comunicación. Será ás 20 h na praza do Toural de Compostela. Asistamos e divulguémola!
Nenhum comentário:
Postar um comentário