Auguiña de sete fontes (2)

- "Se estou aquí é por ela", Agustín Fernández Paz no seu blogue.

- "A xeración muda", Susana Méndez en Sermos Galiza.

- "Sobre encrucilhadas, normas ortográficas e independência", Teresa Moure en Praza Pública.

- "África é o continente menos produtivo do mundo", no Jornal de Angola.

- "Previsións do Banco de España para 2013: o paro dispárase por riba do 27% e o PIB caerá un 1,5%", en Sermos Galiza.

- Jacques-Alain Miller abriu blogue en La Règle du Jeu.

- "Lídia Jorge, o compromiso ético da escritora galega universal", no blogue da AELG.

Entrevista a Marguerite Yourcenar

Desexo que gustedes tanto como gustei eu desta deliciosa conversa entre Bernard Pivot e unha das miñas autoras favoritas. Preparádevos para a súa ollada pillabana e, sobre todo, para a súa sabedoría intelectual e vital, esa que tamén zumega dos seus libros.

A entrevista realizouse en 1979 na tranquilidade de Mount Desert Island, nos Estados Unidos, onde se foi vivir Yourcenar coa súa moza Grace Frick. Ese mesmo ano morreu Grace. Só a morte puido pór fin ás súas máis de catro décadas de relación.

Auguiña de sete fontes

 - A triloxía Dragal, de Elena Gallego, convértese nun proxecto multimedia. Parabéns e que continúe o merecidísimo suceso!

- "E se fose a princesa a que salvase a Mario?", nova en Praza Pública.

- "A ética do coidado dun mesmo como práctica da liberdade", entrevista a Michel Foucault en 1984.

- Un matrimonio de sexaxenarios irán á cadea por violaren ambos as súas ordes de afastamento, nova en La Voz de Galicia.

- Novo libro de Xosé Ramón Freixeito Mato: Estilística da lingua galega.

- "Rosalía e nós", artigo de Francisco Rodríguez en Sermos Galiza.

- "Google aposta por voar tamén en galego", nova en Galicia Confidencial. O galego, entre os oito primeiros en que estrea en Europa este novo servizo.

Como falar e escribir en galego con corrección e fluidez, finalista dos premios AELG

As votacións dos 473 membros da Asociación de Escritores en Lingua Galega puxeron o meu último ensaio, Como falar e escribir en galego con corrección e fluidez, entre as obras finalistas para os seus premios deste ano.

Obrigadísimo xa por ese recoñecemento e parabéns a todas as compañeiras e compañeiros que tamén se encontran na final!

Viva a nosa cultura, viva!

Cinco achegas a este novo papado

É indubidábel o éxito mediático e social do novo papa. A min, en principio, non me esperta moitas simpatías. É máis que excesiva a súa "guerra de Dios" (sic) contra os dereitos das e dos homosexuais e paréceme dun cinismo supino a súa presentación como "papa dos pobres", mentres por exemplo no Estado español a Igrexa católica, apostólica e romana continúa a beneficiarse duns privilexios que impiden unha mellor distribución da riqueza e unha maior igualdade de oportunidades para todas e todos. Tocar a trompeta para exclamar que axudas os pobres dicía Xesús Cristo que era farisaico e, cando menos de momento, tocar a trompeta foi o único que fixo Jorge Bergoglio. Todo iso sen entrarmos xa nas sombras sobre como pecou durante a ditadura arxentina: se por pensamento, palabra, obra ou omisión.

Así e todo, para tentarmos evitar as reflexións de brocha grosa, penduro aquí as ligazóns a cinco artiguiños que penso que nos poden axudar, desde os seus diferentes contributos, a pensarmos máis e mellor sobre este papado que está a comezar:

- "Unha ollada responsábel ao novo papa", Stella Calloni.

- "Jorge Bergoglio na ditadura arxentina", Horacio Verbitsky.

- "De Bergoglio a Francisco", Atilio A. Boron.

- "O deus dos ateos", Manuel Fernández Blanco (é un texto anterior á elección, mais que apunta cuestións de moito interese).

- "Benvido irmán Francisco", Victorino Pérez Prieto.

Os sinais en galego, especie para extinguir?

Onte chamáronme de Radiovoz e, coma sempre que me chaman dun medio para me convidaren a participar e me é posíbel acceder á petición, participei. O programa tratou sobre a sinalización en galego:



Como este foi o tema, e é un tema de triste actualidade, permitídeme que vos encamiñe a estoutras entradas anteriores neste mesmo blogue, que poden achegar información proveitosa para a reflexión:

- "A presenza do galego nas sinalizacións públicas".

- "Na catedral".

Continuamos!

Como falar e escribir en galego con corrección e fluidez: Vídeo da conversa en Ribadavia

Antoloxía dominical

- "Camiñamos cara a unha sociedade de doentes", entrevista a Javier Peteiro en La Vanguardia.

- "Cando os parlamentarios non tiñan soldo", Antonio Escudero en El País.

- A CIG pon en funcionamento un banco de alimentos. Nova en Sermos Galiza.

- A Mesa insta a Feijóo a que “promulgue un decreto que si se axuste ao Estatuto, á Lei de Normalización, ao Plan de Normalización e á Carta Europea das Linguas”.

- Taboleiro do Libro Galego da primeira quincena de marzo, elaborado polo crítico Ramón Nicolás. Grazas pola boa acollida que continúa a ter Como falar e escribir en galego con corrección e fluidez!

- A Casa de Rosalía abriuse de novo ao público.

Conversamos e camiñamos

O pasado sábado participei nun acto en Iruña sobre a situación das comunidades lingüísticas galega, catalá e vasca. Tratamos en especial a ameaza que supón a Lei Wert para os nosos dereitos e para o futuro das nosas culturas.

Entre os diversos axentes sociais de Euskal Herria que estiveron presentes, encontrábase Iñaki Irazabalbeitia, que o próximo mes de maio se incorporará como deputado no Parlamento europeo.

Continuamos!

Entrevista na radio Infozazpi

Antes da comparecencia desta semana no Congreso dos Deputados, mantiven unha entrevista con emisora Infozazpi Irratia. Se che interesa, podes ouvila aquí.

Algunhas cousiñas de interese

- Firmeza da RAG na defensa do galego na escola: interpón un recurso no Tribunal Supremo e salienta que o único consenso posíbel é o regreso ao Plan Xeral de Normalización da Lingua Galega.

- A Mesa, o Ciemen e Kontseilua propoñen unha "alianza entre as comunidades lingüísticas galega, catalá e vasca" para lle facer fronte á Lei da Wertgoña.

- Manifesto sobre a LOMCE das asociacións de escritoras e escritores en galego, catalán e vasco.

- "Hugo Chávez e os caudillos da imprensa española", Íñigo Sáenz de Ugarte.

- "Un corazón maior que a vida", Slavoj Žižek.

- "A imbecilidade dun ministro católico e homófobo", Adolfo de Abel Vilela.

- 50 verdades sobre Hugo Chávez e a Revolución Bolivariana. 

Estraña ditadura e estraños demócratas

Acto en Madrid o día 13 ás 13 h deste ano 13, no mes 3

Velaquí o evento no facebook.

Presentación en Ferrol de Como falar e escribir en galego con corrección e fluidez

A Escola Oficial de Idiomas de Ferrol, o grupo de traballo da Mesa na comarca e Edicións Xerais organizan o acto de presentación na cidade departamental do meu último libro. A ligazón ao evento no facebook, aquí.

Participarán comigo no acto Henrique Dacosta López, escritor; Pedro Picallo Ramonde, xefe do Departamento de Galego da EOI de Ferrol, e Carlos Outeiro, coordinador da Mesa na zona.

A conversa realizarémola a quinta feira (xoves) 14 ás 20 h. A EOI está na rúa Real, número 29.

Continuamos!

Eu tenho um melro

Abonda xa de corrupción e de destrución social e cultural!

Non poderei estar na manifestación de hoxe domingo, mais sen dúbida que envío todo o meu apoio!

Un encontro con Lacan

Interesante documentario de Gérard Miller que serve para nos aproximarmos ao sempre fascinante Jacques Lacan:

Hoxe en Barcelona

Ás 19 h. estarei na Escola Oficial d'Idiomes de Drassanes para conversar, co alumnado dese centro que estiver interesado, sobre o libro Como falar e escribir en galego con corrección e fluidez.

Aproveitando que hoxe andarei pola capital catalá, igual que hai uns días deixei por este blogue un par de fotos do último acto que realicei por aló, penduro agora a noticia con que recolleu o anterior evento a publicación galega A micro pechado:

Continuamos!