BNG 2017

Velaquí o primeiro comentario, dos que irei pendurando ás segundas feiras. Mellorará tecnicamente devagariño ;)



Vaise poder consultar puntualmente en Sermos Galiza e na canle Youtube.com/CarlosCallon, á cal vos animo a que vos subscribades, pois tamén lle irei subindo algún outro contido diferente.

Ás segundas no Sermos dixital

A próxima segunda feira, 29 de febreiro, iniciarei un novo proxecto, de vídeo-opinións, que pendurarei semanalmente na miña canle en Youtube (youtube.com/carloscallon) e tamén no xornal dixital Sermos Galiza. Desenvolvo un pouquiño o tema nesta entrevista que me fixo María Obelleiro.

Ás segundas, vémonos no Sermos!

E a profesión de Rosalía era...

A profesión de Rosalía era... gobernar a súa propia casa. Ou polo menos así o dicía a súa cédula persoal (o DNI do XIX, vaia), no ano antes da súa morte.

Rosalía de Castro xa publicara neses momentos case toda a prolífica obra que lle coñecemos, mais cargaba co pecado orixinal de nacer muller.

A foto, malísima, é miña. Podedes ver o documento, sen flash que incordie, na Casa de Rosalía na Matanza.

Ligazóns ao desvío para un vinte e un de febreiro

• Espazo web do programa Alalá da TVG. Moi recomendábel!
• "Virxilio Viéitez: retrato dun decolonizado", Xoán Carlos Garrido Couceiro. 
• "Doña Angelita, a ferrolá que inventou o libro electrónico".
• "En Marea: seis ceros á esquerda", Cousas de Imeneo.
• "A Valedora advirte de situacións en que o Sergas trata como 'doentes' ou 'pervertidos' persoas LGTBi".
• Algunhas versións de "Adiós ríos, adiós fontes" ou "Adiós, que eu voume" (é unha entrada que fixen no meu blogue en agosto de 2014, mais que pode ser simpática de recuperar para esta semana en que festaxamos o día de Rosalía).

Hoxe en Vigo con Valentín Paz-Andrade

Obrigado á libraría Cartabón por este vídeo de promoción do acto deste serán!

"Cataluña 13 - Galiza 0" ou a importancia da intensidade

Lin o programa "Un país para la gente". Boto en falta coherencia e pudor.

Din que amparan a diversidade nacional e falan de "un país".

Din que recoñecen a diversidade lingüística e só presentan o programa en castelán e medidas máis concretas para a promoción do español no exterior que para a oficialidade do galego no interior.

Cataluña aparece 13 veces; Galiza, cero. Como a burla foi demasiado evidente, hai unhas horas anunciaron un apéndice...

Din tamén que os dereitos das nacións son para Cataluña e aquelas (sen nome) que os reivindiquen "con especial intensidad". Niso talvez vaian ben encamiñados. Deámoslle, pois, intensidade. Se non, acontecen estas cousas.

Con Valentín Paz-Andrade na cidade de Valentín Paz-Andrade

Que función lle daba Valentín Paz-Andrade a Vigo para o futuro de Galiza, a cidade en que viviu e morreu, aínda que non nacese alí?

Era el ou non era reintegracionista?

Que ten de singular a súa obra lírica, cando o certo é que se trata dun poeta pouco recoñecido?

Que pensaba sobre a autoorganización política galega?

Que parte da imaxe que temos de Castelao lla debemos?

Estas son algunhas das preguntiñas a que tentaremos dar resposta esta cuarta feira 17 de febreiro na libraría Cartabón de Vigo. Vémonos alí! ;)

Ligazóns ao desvío para un 14 de febreiro

• "O risco de pobreza duplicouse nas persoas mozas de Galiza durante a crise", Sermos Galiza.
• Entrevista a Suso de Toro no diario Ara: "A oligarquía madrileña quedouse co Estado". É de 2014, mais paréceme que é moi aproveitábel tamén na actualidade.

Ligazóns ao desvío para un sete de febreiro

• Parellas imposíbeis no galego. Moi boa sección do blogue Zarampagalegando.
• Fai a túa suxestión ao BNG para o debate en que se encontra nestes momentos!
• "Creo nun debate sen tabús para a refundación", entrevista a Francisco Jorquera no Sermos Galiza.
• Asina para que liberen o artista de circo palestino Mohammad Faisal Abu Sakha.
• "Un mundo enteiro", Lois Celeiro. 
• No tren matinal da Coruña a Ferrol tárdase tanto como indo en bici. Pequena reportaxe no La Voz de Galicia.