"Cataluña 13 - Galiza 0" ou a importancia da intensidade

Lin o programa "Un país para la gente". Boto en falta coherencia e pudor.

Din que amparan a diversidade nacional e falan de "un país".

Din que recoñecen a diversidade lingüística e só presentan o programa en castelán e medidas máis concretas para a promoción do español no exterior que para a oficialidade do galego no interior.

Cataluña aparece 13 veces; Galiza, cero. Como a burla foi demasiado evidente, hai unhas horas anunciaron un apéndice...

Din tamén que os dereitos das nacións son para Cataluña e aquelas (sen nome) que os reivindiquen "con especial intensidad". Niso talvez vaian ben encamiñados. Deámoslle, pois, intensidade. Se non, acontecen estas cousas.